Styrkveiting

Ólafur Heiðar Helgason nýstúdent frá Kvennaskólanum í Reykjavík er einn þeirra afburðanemenda sem fær styrk úr Afreks- og hvatningarsjóði stúdenta við Háskóla Íslands. 77 nýstúdentar sóttu um styrkinn og 26 hlutu hann. Hver styrkur nemur 300.000 krónum auk niðurfellingar skráningargjalds í HÍ sem er 60.000 krónur. Ólafur Heiðar ætlar í nám í hagfræði. Við óskum honum innilega til hamingju með styrkinn. ... lesa meira




Borgarkynning í þýskutíma

Nemendur hugvísindabrautar á 2. ári unnu skemmtileg einstaklingsverkefni um nokkrar borgir í þýskumælandi löndum undir lok vorannar. Borgirnar sem nemendur fjölluðu um voru t.d. Bad Tölz, Köln, Siegen, Salzburg og Zürich. Afraksturinn kynntu nemdur í seinasta tíma annarinnar á lifandi hátt í máli, myndum og tónlist. Það setti skemmtilegan blæ á kynningarnar að sumir höfðu komið til viðkomandi borgar eða þekktu til þeirra. ... lesa meira


Lokaverkefni nemenda

Nemendur í Kvennaskólanum sem hafa stundað nám samkvæmt nýju námskránni vinna allir lokaverkefni á lokaári sínu við skólann. Nemendur tileinka sér ýmis fræðileg vinnubrögð við úrvinnslu verkefnisins, sem getur verið heimildaritgerð eða rannsóknarverkefni, og velja sér faggreinakennara sem leiðbeinir þeim. ... lesa meira