Nemandi sem hefur aðaleinkunn 5,0 eða hærri í lok skólaárs en hefur hlotið lokaeinkunn undir 5 í einhverjum áföngum hefur heimild til að þreyta endurtökupróf í einum til tveimur áföngum við lok skólaárs.

Nemandi telst hafa staðist endurtökupróf í áfanga ef lokaeinkunn hans er að lágmarki 5. Eftir haustönn er nemanda heimilt að endurtaka 1-2 áfanga sem eru undanfarar kjarnaáfanga næstu vorannar. Þau endurtökupróf eru haldin í byrjun janúar.

Ekki eru allir áfangar þess eðlis að hægt sé að taka endurtökupróf í þeim. Þá verður að sitja áfangann aftur. Dæmi um slíka áfanga eru íþróttir, tjáning, o.fl.

Gjald fyrir endurtökupróf er 8000 kr. fyrir hvert próf.