Húsnæði

 

Húsnæði Kvennaskólans er á þremur stöðum;  Fríkirkjuvegi 9 (aðalbygging), Fríkirkjuvegi 1 (Miðbæjarskólinn) og Þingholtsstræti 37 (Uppsalir).

  • Í aðalbyggingunni, A og N, Fríkirkjuvegi 9,  er aðalskrifstofa skólans á 2. hæð, skrifstofa skólameistara, skrifstofa fjármálastjóra, aðstaða umsjónarmanns og kerfisstjóra, mötuneyti starfsmanna, bókasafn á jarðhæð, aðstaða nemendafélagsins, níu kennslustofur og vinnuaðstaða hluta kennaranna.
  • Í Miðbæjarskólanum, M,  Fríkirkjuvegi 1, eru tvö nemendaver á neðstu hæðinni, fundaaðstaða nemenda og búningsklefar íþróttasalarins. Á miðhæð er fyrirlestrarsalur, skrifstofa aðstoðarskólameistara og námstjóra, kennarastofa og íþróttasalur auk kennslustofa. Á efstu hæð eru tvö viðtalsherbergi námsráðgjafa, tvö viðtalsherbergi kennara, tölvustofa auk venjulegra kennslustofa. Í húsinu eru 17 kennslustofur og vinnuaðstaða hluta kennarahópsins.
  • Í Uppsölum, U, Þingholtsstræti 37 er mötuneyti og matsalur nemenda sem jafnframt er samkomusalur og aðstaða leikfélagsins.  Á efri hæð eru fjórar kennslustofur.