Erlend samskipti

Alþjóðlegt samstarf

Verkefnum sem tengjast alþjóðlegu samstarfi á vegum Kvennaskólans má skipta í eftirfarandi:
1. Nemendaskiptaverkefni, móttaka.
2. Undirbúningsheimsóknir kennara vegna nemendaskiptaverkefna.
3. Áfangar með borgarferð.
4. Þátttaka í erlendu samstarfi í gegnum netið.
5. Heimsóknir erlendra nema og kennara.
6. Endurmenntunarnámskeið og skólaheimsóknir kennara.
7. Ferðir einstakra nemenda á vegum sjálfboðasamtakanna Seeds.

Kvennaskólinn hefur í mörg ár haldið úti verkefnum þar sem nemendum skólans býðst að fara utan. Ýmist er um að ræða verkefni þar sem samstarf er haft við skóla erlendis um nemendaskipti eða áfanga þar sem hluti náms er að skoða erlenda borg. Nemendur hafa sjálfir þurft að standa straum af kostnaði vegna slíkra borgarferða en nemendaskiptaverkefnin eru styrkt af Nordplus Junior- eða Erasmus-menntaáætlunum Evrópusambandsins. Kennarar skólans sem skipuleggja samstarfsverkefni hafa stundum átt þess kost að fara í undirbúningsheimsóknir. Slíkar heimsóknir eru afar gagnlegar og tryggja að nemendur fái sem mest út úr ferðunum.
Árlega berast margvíslegar beiðnir um samstarf og heimsóknir erlendra nemenda og kennara. Fjöldi erlendra gesta sækir skólann heim ár hvert bæði vegna samstarfsverkefna og til að kynnast skólastarfinu. Nemendur skólans eru jafnan boðnir og búnir að taka á móti gestum. Ýmis samtök leita til skólans vegna verkefna sem standa ungu fólki til boða og hefur þessum erindum verið komið til nemenda skólans. Nokkrir hafa tekið þátt í sjálfboðastarfi erlendis eftir slíkar kynningar. Jafnframt hafa kennarar skólans heimsótt skóla erlendis. Sjá nánar í skýrslum um erlent samstarf:

      Skýrsla um erlent samstarf 2015-16

Skýrsla um erlent samstarf2014-15.pdf (373.98 KB)

 Skýrsla um erlent samstarf 2013-2014

 Yfirlit verkefna í erlendu samstarfi 2001-2013 (39 KB)

Skýrsla um erlent samstarf 2012-2013 (1287 KB)

Skýrsla um erlent samstarf 2011-2012 (708.8 KB)

Skýrsla um erlent samstarf 2010-2011 (680.35 KB)