Góðir gestir frá Frakklandi

Skólinn fékk skemmtilega heimsókn síðastliðinn föstudag. Þá komu þrír fulltrúar frá franska sendiráðinu og Alliance française í Reykjavík í tilefni af matarhátíðinni KEIMUR sem er einskonar vika bragðlaukanna. Þeir Jean-François Rochard, Florent Gast og Renaud Durville mættu í mötuneytið og buðu tveimur byrjendahópum í frönsku upp á stutt námskeið tengt mat og hinum ýmsu bragðtegundum. Myndaðir voru þrjár stöðvar þar sem nemendur áttu ýmist að lykta af, smakka eða snerta matvæli með bundið fyrir augun og giska á um hvað var að ræða hverju sinni. Í leiðinni æfðu þeir orðaforða yfir matvælin og ýmsar setningar til að tjá sig um þau, til dæmis: "J'aime - je n'aime pas - c'est bon - c'est mauvais - tu es prêt(e)? - qu'est-ce que c'est ?" (Mér finnst þetta gott - mér líkar þetta ekki - þetta er gott - þetta er vont - ertu tilbúin(n)? - hvað er þetta?). Nemendur stóðu sig mjög vel í ágiskunum sínum og voru óhræddir við að æfa sig í frönsku í samskiptum sínum við gestina. Þetta var mikið fjör og skemmtileg tilbreyting rétt í annarlok. 

Sem fyrr segir var þessi heimsókn hluti af matarhátíðinni Keimur en hér má sjá nánari upplýsingar um hana:

https://is.ambafrance.org/Matarhati%C3%B0in-Keimur