Björk Þorgeirsdóttir verðlaunuð sem framúrskarandi kennari

Háskóli Íslands verðalaunar fimm grunn- og framhaldsskólakennara fyrir framúrskarandi störf
Fimmtudaginn 3 júlí stóð Menntavísindasvið Háskóla Íslands fyrir verðlaunafhendingu þar sem fimm grunn og framhaldsskólakennarar voru verðlaunaðir fyrir framúrskarandi störf.  Verðlaunin eru afrakstur kynningarátakisins Hafðu áhrif sem Háskóli Íslands stóð fyrir nú í maí mánuði.  Á heimasíðu átaksins www.hafduahrif.is sögðu þjóðþekktir Íslendingar frá þeim kennara sem mest áhrif hafði haft á líf viðkomandi í stuttum myndböndum.  Í átakinu gafst almenningi jafnframt kostur á að senda inn tilnefningu um þann kennara sem mest áhrif hafði haft á hvern og einn. Á fimmta hundruð kennara voru tilnefndir af u.þ.b tvö þúsund manns.  Valnefnd fór svo yfir tilnefningar og umsagnir og valdi í kjölfarið fimm kennara sem viðurkenninguna hlutu.


Þeir kennarar sem verðlaun fengu voru:
Anna Steinunn Valdimarsdóttir, Laugalækjarskóla.
Björk Þorgeirsdóttir, Kvennaskólanum.
Guðmundur Stefán Gíslason, Fjölbrautarskólanum Garðabæ.
Hrafnhildur Jóhannesdóttir, Keili. 
Hörður Ríkharðsson, Blönduskóla.

 

Á meðfylgjandi ljósmynd má sjá Kristínu Ingólfsdóttur rektor Háskóla Íslands, Hrafnhildi Jóhannesdóttu, Guðmund Stefán Gíslason, Hörð Ríkharðsson, Björku Þorgeirsdóttur, Steinunni Mörtu Jónsdóttur sem tók við verðlaunum fyrir Önnu Steinunni Valdimarsdóttur og Jóhönnu Einarsdóttur forseta Menntavísindasviðs.