Vel heppnuð ferð til Kalmar

Fyrir stuttu komu nemendur og kennarar heim úr velheppnaðri námsferð til Kalmar. Þetta var nemendaskiptaferð og í marslok koma krakkar úr CIS, en svo nefnist menntaskólinn í Kalmar, í heimsókn til okkar. Nemendurnir unnu saman að verkefnum í skólanum, en auk þess var farið í ýmsar lengri og styttri skoðunarferðir, svo sem í kjarnorkuver og endurvinnslustöð fyrir geislavirkan úrgang, í glerverksmiðjur og vindmylluorkuver. Þá var dagsferð um eyjuna Öland þar sem m.a. var skoðað virki frá því 400-500 e.kr. Nemendurnir bjuggu heima hjá sænsku krökkunum. Hóparnir blönduðust vel saman og gerðu ýmislegt sér til skemmtunar. Okkar nemendur þóttu glaðværir, hávaðasamir og röskir til vinnu og voru sjálfum sér og skólanum til sóma í hvívetna. Svíarnir munu svo heimsækja okkur í mars á næsta ári.
Myndir úr ferðinni eru komnar á myndasíðu www.kvenno.is.