Skólinn byrjar þriðjudaginn 18. ágúst

Skólinn verður settur þriðjudaginn 18. ágúst kl. 9:00 í matsalnum í Uppsölum, Þingholtsstræti 37. Ætlast er til að allir nýnemar, 1. bekkingar, mæti þangað.

Eftir skólasetningu eiga nýnemar að hitta umsjónarkennara sína í Miðbæjarskólanum skv. nánara skipulagi sem verður tilkynnt við skólasetninguna. Gert er ráð fyrir dagskrá með nýnemum til kl. 12 þennan dag. Kennsla í 1. bekk byrjar svo miðvikudaginn 19. ágúst skv. stundaskrá.

Eldri nemendur, 2.-4. bekkur, koma til kennslu skv. stundaskrá þriðjudaginn 18. ágúst kl. 13:20. Þeir eiga sjálfir að nálgast stundatöflur sínar í Innu ásamt bókalistum og vera með þetta tilbúið á þriðjudag. Ekki verður sérstök skólasetning fyrir þá en skólameistari mun heimsækja eldri bekkina fljótlega eftir að kennsla hefst.

Vinnufundur kennara verður mánudaginn 17. ágúst og hefst kl. 9. 

Skólameistari