Vinátta skólaárið 2009-2010 hafin!

Í mentorverkefninu Vináttu gefst háskóla- og framhaldsskólanemum þar á meðal nemendum í Kvennaskólanum í Reykjavík tækifæri til að tengjast grunnskólabarni og vera góð fyrirmynd.
Mentorverkefnið er samfélagsverkefni og er eitt meginmarkmið þess að háskóla- og framhaldsskólanemendur vinni að velferð barna og öðlist víðtæka reynslu í samskiptum við börn í gegnum persónuleg tengsl við þau. Þannig vinna mentorar að velferð barna, öðlast reynslu í samskiptum við börn, foreldra og nærumhverfi og bæta við eigin þekkingu og reynslu af samskiptum við ólíka einstaklinga. Í Vináttu eru sambönd mynduð milli einstaklinga sem ekkert þekkjast. Mentorar eru eldri og reyndari en börnin sem þeir taka að sér og allir þátttakendur taka þátt af fúsum og frjálsum vilja. Verkefnið fer þannig fram að mentor og grunnskólabarn á aldrinum 7 til 10 ára hittast reglulega einu sinni í viku yfir sjö mánaða tímabil. Samverustundirnar þurfa ekki að vera úthugsaðar eða skipulagðar heldur er það samveran sem skiptir meginmáli.
 
Skólaárið 2009-2010 koma 13 mentorar frá Kvennaskólanum í Reykjavík. Nemendur/mentorar í Kvennó eru allir á lokaári sínu í skólanum og koma af náttúrufræði- félagsfræða- og málabraut. Þátttaka í verkefninu er metin til eininga og er því hluti af námsferli nemenda. Meðfylgjandi eru myndir sem teknar voru á sameiginlegum mentora og myndir af upphafsdegi mentorverkefnisins. Á upphafsdeginum eru börnin að hitta mentora sína í fyrsta sinn. Allar nánari upplýsingar um verkefnið er hægt að lesa á www.kvenno.is/vinatta eða senda póst til Bjarkar Þorgeirsdóttur - bjorkth@kvenno.is