Félagsvísindasvið Háskóla Íslands heimsótt

Um 50 nemendur frá Kvennaskólanum í Reykjavík heimsóttu á dögunum Félagsvísindasvið Háskóla Íslands. Alls kynntu sex deildir Félagsvísindasviðs starfsemi sína og boðið var upp á kaffi og meðlæti.

Í áfanganum Náms- og starfsval í Kvennaskólanum er unnið að því að nemendur séu vel undirbúnir til að marka sér framtíð og bera ábyrgð á þeirri leið sem þeir kjósa eftir að Kvennaskólanum lýkur. Kenndar eru leiðir til að efla sjálfsþekkingu og að taka ákvarðanir á upplýstan hátt. Áhersla er lögð á að nemendur séu meðvitaðir um þá óþrjótandi möguleika sem í boði eru á framhaldsnámi hérlendis og erlendis og þekki leiðir til að afla upplýsinga á þessu sviði. Kennarar eru Linda Björk Einarsdóttir og Sigríður María Tómasdóttir.

Myndir úr heimsókninni:

https://www.flickr.com/photos/sifsigfusdottir/sets/72157646600427753/