Mentorverkefnið í Kvennó

Vinátta, mentorverkefnið er enn í fullum gangi hér í Kvennó. Nú hafa mentorar og börn verið að hittast reglulega síðan í október 2011. Það hefur verið einstaklega gaman að fylgja mentorpörunum eftir – sérstaklega þegar allur hópurinn kemur saman.

Hér má sjá myndir úr sameiginlegri samverustund mentora og barna sem haldin var í Kvennó þann 29. janúar sl. Nokkrir mentorar tóku að sér að skipuleggja samverustundina sem hófst á leikjum í íþróttasalnum, síðan var farið í kennslustofu og þar horfðu mentorar og börn saman á mynd.

Einnig eru hér myndir frá sameiginlegum degi mentorverkefnisins. Þá var farið í Keiluhöllina ásamt öllum mentorpörum á Höfuðborgarsvæðinu og Borgarnesi. Þessi samverustund er í boði Velferðarsjóðs barna á Íslandi. Skemmtileg stund með fyrirmyndarfólki!