SAGA3ÁS05 - Átakasvæði í heiminum

Einingafjöldi: 5
Þrep: 3
Forkröfur: SAGA2MN05
Áfanginn fjallar fyrst og fremst um átakasvæði heimsins í dag einkum þau sem eru nær daglega í fréttum og umræðu en einnig þau sem hafa verið fyrirferðarmikil í umfjöllun síðustu áratugi. Sem dæmi um efni má nefna: Kína: Tíbet og Xinjiang, Kashmír, Afganistan og Pakistan, Ísrael/Palestína, Íran og Írak, Afríka: Kongó, Sómalía, Súdan og Rúanda, Evrópa: Norður-Írland, fyrrum Júgóslavía og Tjetsenía

Þekkingarviðmið

Nemandi skal hafa öðlast þekkingu og skilning á:

  • hvar viðkomandi átakasvæði eru
  • hver er sögulegur bakgrunnur átakanna
  • hvaða öfl eru að verki og hvaðan þau sækja stuðning og fjármagn
  • hvaða möguleikar eru á lausn á viðkomandi átökum
  • hvort Ísland tengist eða hafi tengst viðkomandi átökum á einhvern hátt

Leikniviðmið

Nemandi skal hafa öðlast leikni í að:

  • lesa fræðilega texta á íslensku og ensku og e.t.v. fleiri tungumálum og túlka merkingu þeirra
  • nýta internetið til að afla sér þekkingar á átökum dagsins
  • meta gildi ólíkra heimilda t.d. frá aðilum átaka, alþjóðastofnunum, fréttaveitum o.fl.
  • taka saman mislangar og/eða –ítarlegar úttektir um átök eða þætti þeirra á góðri íslensku

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • gera sér grein fyrir afleiðingum átakanna fyrir fólkið sem býr á svæðinu
  • átta sig á áhrifum átakanna á alþjóðastjórnmál og samskipti ríkja
  • koma þekkingu sinni og skilningi á efninu á framfæri með fjölbreyttum hætti
  • geta tekið þátt í skoðanaskiptum og rökræðum með jafningjum um efni áfangans
  • geta metið alþjóðleg átök út frá eigin forsendum og skilningi
Nánari upplýsingar á námskrá.is