Hlutverk, gildi og framtíðarsýn

Hlutverk
Kvennaskólinn í Reykjavík starfar samkvæmt lögum um framhaldsskóla og aðalnámskrá framhaldsskóla. Hlutverk skólans er að stuðla að alhliða þroska nemenda og virkri þátttöku í lýðræðisþjóðfélagi. Merkinmarkmið skólastarfsins er að: 

• veita nemendum sem besta menntun í námsumhverfi þar sem þeim líður vel og læra að bera ábyrgð á námi sínu 
• búa nemendur undir frekara nám og þátttöku í atvinnulífinu 
• efla siðferðisvitund, ábyrgðarkennd, víðsýni, frumkvæði, sjálfstraust og umburðarlyndi nemenda
• hvetja til þekkingarleitar, þjálfa nemendur í öguðum og sjálfstæðum vinnubrögðum, jafnrétti og gagnrýninni hugsun

Gildi
Kvennaskólinn í Reykjavík hefur í samvinnu við starfsfólk og nemendur sett sér gildi sem höfð eru að leiðarljósi í öllu starfi skólans. 
Gildi Kvennaskólans í Reykjavík eru umhyggja, ábyrgð og fjölbreytileiki. 

Umhyggja
Við berum umhyggju fyrir nemendum, samstarfsfólki og samfélaginu og miðum að því að skapa vinnuumhverfi þar sem virðing og fjölbreytni fær að njóta sín. 

Ábyrgð
Við berum ábyrgð á námi okkar og starfi og höfum vönduð vinnubrögð, heiðarleika og fagmennsku að leiðarljósi í skólastarfinu.
Við leggjum áherslu á gagnkvæma ábyrgð innan skólans og gagnvart samfélaginu og umhverfinu.

Fjölbreytileiki
Við fögnum fjölbreytileikanum og berum virðingu fyrir mismunandi menningu og uppruna, þvert á kyn og stöðu einstaklinga. 
Í skólanum er lögð áhersla á fjölbreytt námsframboð, kennsluhætti og námsmat sem reynir á mismunandi hæfni nemenda. 

Framtíðarsýn
Kvennaskólinn í Reykjavík sé leiðandi og framsækinn framhaldsskóli í námi og kennslu þar sem kennsluhættir og fagleg vinnubrögð eru í samræmi við bestu þekkingu, tækni og búnað hverju sinni.

Nám og námsframboð í skólanum sé í stöðugri þróun og fjölbreytt áfangaval í boði.

Kvennaskólinn í Reykjavík sé eftirsóknarverður vinnustaður þar sem boðið er upp á gott starfsumhverfi og aðbúnað fyrir allt starfsfólk með áherslu á öryggi, vellíðan, starfsþróun, faglega samvinnu og uppbyggjandi samskipti.

Að í skólanum sé í boði sterk stoðþjónusta sem starfi í þágu farsældar barna og hæfi nemendahópnum hverju sinni.

Síðast breytt 26.01.2026