Rýmingaráætlun

Rýming

• Þegar brunaviðvörunarkerfi fer í gang skulu allir yfirgefa skólann og velja stystu hindrunarlausu leiðina út sé hún fær annars skal nota neyðarútganga.
• Ekki skal nota lyftur.
• Ekki skal fara á móti reyk eða í gegnum reyk. Velja skal aðrar útgönguleiðir eða bíða eftir aðstoð frá slökkviliði.
• Aðstoða skal aðra eftir atvikum.
• Kennarar sem koma úr kennslustund bera ábyrgð á sínum nemendahópi og fylgja sínum bekk út.
• Kennarar og annað starfsfólk skólans sem ekki er bundið yfir nemendum fer yfir nærliggjandi rými þar sem það er statt áður en farið er út.
• Safnast skal saman á söfnunarsvæði.

Söfnunarsvæði fyrir Miðbæjarskólann er fyrir framan aðalbyggingu, Fríkirkjuvegi 9, og Fríkirkjuveg 11.

Söfnunarsvæði fyrir Aðalbyggingu er portið við Miðbæjarskóla, Fríkirkjuvegi 1.

Söfnunarsvæði fyrir Uppsali er portið við Miðbæjarskóla, Fríkirkjuvegi 1.

Á söfnunarsvæði

• Þegar komið er á söfnunarsvæðið er mjög mikilvægt að hver bekkur haldi hópinn. Kennarar tilkynna til skráningaraðila um hvaða hóp þeir fylgja út úr kennslustund.
• Kennarar og annað starfsfólk tilkynnir hvaða svæði hver hefur yfirfarið hjá skráningaraðila þegar komið er á söfnunarsvæði.
• Skráningaraðilar (fulltrúar úr hópi stjórnenda og starfsfólks) taka á móti skráningum.
• Allir bera ábyrgð á að láta vita ef grunur leikur á að einhver sé inn á hættusvæði.
• Bíða skal eftir fyrirmælum frá slökkviliði eða stjórnanda aðgerða um næstu skref.
• Þegar björgunaraðilar koma á staðinn veita stjórnendur og umsjónarmaður fasteigna upplýsingar um stöðuna.
• Stjórnendur og umsjónarmaður fasteigna í samráði við slökkvilið koma síðan upplýsingum til starfsfólks og nemenda um næstu skref.

Stjórnun aðgerða

• Þegar brunaviðvörunarkerfi skólans fer í gang skal sá starfsmaður sem fyrst verður elds vart strax hringja í 112 og tilkynna um ástand.
• Ef starfsmaður kemur að eldi skal hann meta hvort hann hafi tök á að slökkva eldinn strax með slökkvitæki eða brunaslöngu. Ef ekki, skal loka því rými sem eldur er laus í til að hindra útbreiðslu.
• Ef um falsboð er að ræða skulu stjórnendur og eða umsjónarmaður fasteigna fara að stjórntöflu brunaviðvörunarkerfis við aðalinngang og kanna hvaðan brunaboðið kemur.
• Kanna skal aðstæður þaðan sem boðin koma.
• Slökkva skal á viðvörunarkerfi þegar vissa liggur fyrir að um falsboð er að ræða.
• Falsboð er tilkynnt til Securitas í síma 533 5533.
• Innganga er heimiluð þegar tryggt er að allt sé í lagi.
• Athugið að brunakerfið er tengt Securitas en ekki slökkvistöð. Komi boð til Securitas hafa þeir samband við umsjónarmann skólans, skólameistara eða aðstoðarskólameistara og senda í samráði við hann öryggisvörð á staðinn. EF ekki næst í neinn þá senda þeir strax öryggisvörð.

Teikningar af útgönguleiðum og rýmingaráætlun er að finna á veggjum við innganga og í skólastofum.

Rýmingar áætlun Kvennaskólans í Reykjavík - uppfærsla 12. mars 2026