Inna: Aðgangur og forfallatilkynningar

Inna er upplýsinga- og kennslukerfi skólans sem heldur utan um alla þætti náms hjá nemendum, m.a. einkunnir, mætingu, námsferil, námsáætlanir og námsgagnalista. Nota þarf rafræn skilríki til að skrá sig inn á Innu. Nemendur og skráðir forráðamenn nemenda yngri en 18 ára hafa aðgang að Innu og geta skoðað allar upplýsingar um nemandann. Nemendur eldri en 18 ára geta sjálfir veitt foreldrum/forráðamönnum aðgang að Innu. 

Forfallatilkynningar í Innu

  1. Forráðamenn ólögráða nemenda tilkynna veikindi nemenda í Innu. Lögráða nemendur tilkynna sjálfir veikindi í Innu
  2. Þegar forráðamaður hefur skráð sig inn á Innu er valið Skrá veikindi/Sækja um leyfi á forsíðu Innu. Veikindatilynning skal berast skólanum fyrir kl. 10:00 hvern virkan dag sem veikindi vara. Sjá reglur skólans um skólasókn. 
  3. Veikindatilkynning er skráð með því að haka við daginn sem við á, einnig er hægt að setja inn athugasemd/skýringu. Veikindatilkynning er send inn og þá kemur upp tilkynning ef skráning tókst. Eingöngu er hægt að skrá veikindi samdægurs eða einn dag fram fram í tímann. Ekki er hægt að skrá veikindi afturvirkt.
  4. Skrifstofa skólans þarf að samþykkja veikindaskráningu í gegnum Innu til þess að það færist inní viðveruskráningu nemandans. Þegar veikindaskráning er staðfest þá er sendur staðfestingarpóstur.
  5. Þegar veikindatilkynning er samþykkt þá skráist það í viðveruskráningu nemandans með kóðanum V.
  6. Skammtímaleyfi: Gert er ráð fyrir að nemendur sinni persónulegum erindum sínum utan skólatíma. Sé það ekki unnt og erindið mjög brýnt geta forráðamenn ólögráða nemenda og lögráða nemendur sótt um skammtímaleyfi (1 dagur eða minna) rafrænt í Innu samdægurs. Þegar sótt er um leyfi þarf alltaf að skrá skýringu. Skilyrði fyrir leyfisveitingu er að nemandi mæti að öðru leyti vel í skólann og geri sér grein fyrir skyldum sínum og ábyrgð.  Sjá reglur skólans um skólasókn. 

Þegar nemandi verður 18 ára lokast fyrir aðgang forráðamanna í Innu. Nemandi getur opnað fyrir aðganginn og þá geta forráðamenn áfram skráð veikindi nemandans í Innu og þar með séð allar upplýsingar um nemandann. 

Opnað fyrir aðgang forráðamanna nemenda eldri en 18 ára

  1. Nemandi skráir sig inn í Innu
  2. Smellt á mynd nemandans efst á stikunni og velja „Ég“. Í þeirri valmynd eru persónuupplýsingar nemandans. 
  3. Opna linkinn „Aðstand­endur“
  4. Setja „Já“ í stað „Nei“ í „Aðgangur“