STÆR2FH05 - Grunnáfangi á félags- og hugvísindabraut

Einingafjöldi: 5
Þrep: 2
Forkröfur: Engar
Viðfangsefni áfangans eru hnitakerfi, veldi og rætur, algebra, ójöfnur, annars stigs jöfnur, fleygbogar, föll og margliður, mengi og rökfræði.

Þekkingarviðmið

Nemandi skal hafa öðlast þekkingu og skilning á:

  • undirstöðureglum talna- og bókstafareiknings og 1. og 2. stigs jöfnum
  • hnitakerfinu, veldum og rótum, meðferð algebrubrota og mengjum
  • yrðingarökfræði og sanntöflum
  • fallhugtakinu, formengi falls og varpmengi

Leikniviðmið

Nemandi skal hafa öðlast leikni í að:

  • nota undirstöðureglur talna- og bókstafareiknings til einföldunar stærðtákna og útreiknings og til að leysa 1. og 2. stigs jöfnur og einfaldar vísisjöfnur
  • vinna með hnitakerfið, ferla beinna lína og fleygboga
  • beita veldareglum við ýmiss konar umritanir
  • leysa einfaldar ójöfnur
  • nota mengi og Vennmyndir til að leysa verkefni
  • setja upp sanntöflu fyrir samsettar yrðingar

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
  • átta sig á tengslum ólíkra aðferða við framsetningu stærðfræðilegra hugmynda og viðfangsefna
  • skilja merkingu og tengsl hugtaka í námsefninu og vinna með þau
  • geta fylgt og skilið röksemdir og röksamhengi í mæltu máli og texta
  • beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
Nánari upplýsingar á námskrá.is