ÍSLE3GK05 - Goðafræði og kvikmyndir

Einingafjöldi: 5
Þrep: 3
Forkröfur: ÍSLE2MN05
Nemendur munu kafa dýpra í heim norrænnar goðafræði og fornsagana og athuga hver birtingarmynd þeirra er í nútímasamfélagi. Leitað verður svara við spurningum á borð við: Hvernig tengjast goðsögur nútímanum? Hver eru tengsl Marvel mynda og annarra kvikmynda við norræna goðafræði og fornsögur? Hvernig birtast goðsögur og fornsögur í öðrum miðlum svo sem tónlist, bókum og tölvuleikjum.

Þekkingarviðmið

Nemandi skal hafa öðlast þekkingu og skilning á:

  • norrænni goðafræði
  • ákveðnum fornsögum

Leikniviðmið

Nemandi skal hafa öðlast leikni í að:

  • skoða hvernig norræn goðafræði og fornsögur birtast í nútímalistsköpun t.d. í bókum, teiknimyndum, kvikmyndum, tónlist, tölvuleikjum, myndlist og fleiru
  • að bera saman fornsögur og goðafræði við nútímalistsköpun
  • vinna margvísleg og fjölbreytt verkefni sem efla skapandi hugsun og færni í móðurmálinu

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • vinna með ólíka miðla og gera samanburð á ólíkum verkum þar sem nemandi getur séð hvað er líkt og hvað ólíkt
  • vinna á skapandi hátt að ólíkum verkefnum hvort sem þau eru skrifleg eða munnleg
  • beita þekkingu og gagnrýnni hugsun við verkefnavinnu
Nánari upplýsingar á námskrá.is