ÍSLE3BI03 - Bubbi - ferill og verk

Einingafjöldi: 3
Þrep: 3
Forkröfur: ÍSLE2MN05
Í þessum áfanga er litið yfir farinn veg Bubba Morthens. Skoðuð verða margbreytileg höfundaverk hans út frá ólíkum hliðum og með fjölbreyttum aðferðum. Allt í þeim tilgangi að gera grein fyrir hvernig Bubbi fór að því að yrkja sig inn í íslenska þjóðarsál fyrir rúmum fjörutíu árum, en ekki síður hvernig honum hefur tekist að halda sér og okkur á tánum allar götur síðan.

Þekkingarviðmið

Nemandi skal hafa öðlast þekkingu og skilning á:

  • höfundarverkum Bubba Morthens
  • helstu straumum og stefnum sem Bubbi hefur spreytt sig á og jafnvel átt þátt í að innleiða í íslenskt menningarlandslag
  • félagslegum og menningarlegum aðstæðum sem hafa mótað textagerð og tónlist Bubba

Leikniviðmið

Nemandi skal hafa öðlast leikni í að:

  • beita bókmennta- og menningarfræðilegum aðferðum og hugtökum við greiningu á verkum Bubba
  • taka þátt í uppbyggilegum umræðum um tónlist Bubba, þar sem hann virðir ólíkar skoðanir og getur rökstutt eigið sjónarmið
  • túlka verk Bubba út frá eigin forsendum, færa í samhengi við eigin reynsluheim og þá dægurmenningu sem viðkomandi er hluti af

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • dýpka skilning sinn á íslenskri dægurmenningu og samfélagi
  • beita ólíkum greiningaraðferðum við að skoða og túlka ólík listaverk og menningarfyrirbæri sem tengjast samtímanum
  • tjá sig á gagnrýninn og skapandi hátt, bæði munnlega og skriflega
Nánari upplýsingar á námskrá.is