ENSK1SA04 (enska) - Enska grunnur

Einingafjöldi: 4
1. þrep 

Í þessum áfanga er áhersla lögð á lestur bæði bókmennta- og rauntexta þannig að nemandi geti beitt mismunandi lestraraðferðum. Hlustunaræfingar miða að því að nemendur geti skilið ótextað mynd- og útvarpsefni. Aukin áhersla lögð á að byggja upp og auka við hagnýtan orðaforða og grunnstig þverfaglegs orðaforða vísinda og fræða. Talþjálfun miðar að því að nemendur læri að orða hugsanir sínar skýrt og skilmerkilega í samtölum og frásögnum. Í ritunarþætti áfangans er lögð áhersla á setningaskipan, orðaforða og skipulega framsetningu .

Þekkingarviðmið 
Nemandi skal hafa öðlast þekkingu og skilning á: 

• einföldum orðaforða og málnotkun, málfræði og málskilningi 

• lestri og ritun texta sem nýtist í daglegu lífi 

• hagnýtri notkun hinna ýmsu stafrænu hjálpartækja sem í boði eru

Leikniviðmið 
Nemandi skal hafa öðlast leikni í að: 

• skilja einfalt talað mál og taka þátt einföldum samræðum 

• skilja og vinna með ótextað mynd- og útvarpsefni 

• lesa og skilja einfaldan texta og vinna verkefni tengd honum 

• nota upplýsingatækni og hjálpargögn í tungumálanámi 

Hæfniviðmið 
Nemandi skal geta hagnýtt þá almennu þekkingu og leikni sem hann hefur aflað sér til að: 

• nýta sér einfalda ensku, munnlega og ritaða í daglegu lífi 

• skilja einfaldar leiðbeiningar, ritaðar og munnlegar 

• leita að og nýta sér ýmiss konar hjálpargögn s.s. orðabækur, tölvur 

Námsmat
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.