ENSK1SG04 - Bókmenntir og sagnahefðir

Lýsing

Kjarnagrein á starfsbraut
Einingafjöldi: 4
Þrep: 1

Áfanginn leggur áherslu á að nemendur kynni sér bókmenntir og sagnahefðir á ensku. Með verkefnavinnu þjálfast nemendur í að lesa texta á ensku og ræða innihald hans og umgjörð. Vinnuferlið miðast við að efla færni og sjálfstæði til að velja sér lesefni við hæfi og þjálfast í að tjá sig um það á ensku.

Þekkingarviðmið

Nemandi skal hafa öðlast þekkingu og skilning á:

• fjölbreyttum orðaforða í tengslum við efni áfangans
• algengum orðum og orðasamböndum
• réttri stafsetningu algengra orða sem koma fyrir í námsefni
• mikilvægi þess að geta lesið sér til gagns á ensku
• lestri bókmenntatexta sem eykur skilning og orðaforða

Leikniviðmið

Nemandi skal hafa öðlast leikni í að:

• taka þátt í samræðum
• byggja upp og bæta við orðaforða sinn með mismunandi aðferðum
• lesa og skilja fjölbreytta texta (smásögur, greinar og lengri texta, s.s. skáldsögur)
• finna sér bókmenntir við hæfi á bókasöfnum og öðrum stöðum
• lesa og/eða hlusta á texta sér til gagns og gamans

Hæfnisviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• túlka megininnhald lesinna texta
• beita fjölbreyttum aðferðum við að efla orðaforða sinn
• lesa enskar bókmenntir til gagns og gleði
• auka sjálfstraust og trú á eigin getu við að skilja og tjá sig á ensku
• nýta sér læsi í víðu samhengi

Námsmat:
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.