ÍSLE1SA04 (íslenska) - Málfræði, lestur og lesskilningur

Einingafjöldi: 4
1. þrep

Í áfanganum verður lögð áhersla á að efla málfræðigrunn nemenda ásamt almennum lestri og lesskilningi. Unnið verður að því að nemendur auki orðaforða sinn og málskilning og treysti kunnáttu sína á öllum sviðum lestrar. Lesnir verða fjölbreyttir textar, bókmenntatextar á auðlesnu máli, efni sem birtist í dagblöðum og á netinu. Nemendur fá einnig þjálfun í hlustun og ritun. Lögð verður áhersla á að nemendur noti viðeigandi hjálpargögn og lestrarleið við hæfi hvers og eins. 

Þekkingarviðmið

Nemandi skal hafa öðlast þekkingu og skilning á:

• helstu grunnatriðum málfræðinnar
• mikilvægi lestrar og bókmennta
• mikilvægi hlustunar
• ritun mismunandi texta
  
  

Leikniviðmið

Nemandi skal hafa öðlast leikni í :

• meðferð máls með auknum orðaforða og málskilningi
• að lesa mismunandi texta sér til gagns
• hlustun og úrvinnslu hennar
• ritun mismunandi texta

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• greina einföld málfræðiatriði
• lesa/hlusta á bókmenntaverk og ýmsa aðra texta s.s. fréttir og annan texta og á neti
• hlusta á upplestur ná inntakinu og svara spurningum úr efninu

Námsmat 

Leiðsagnarmat er viðhaft í hverjum tíma. Fjölbreytt  verkefni eru metin yfir önnina og áhersla lögð á umsagnir sem leiða nemandann áfram.
Virkni nemenda og mæting skiptir öllu máli.