STÆR1SB04 (stærðfræði) - Stæður og jöfnur

4. einingar
1. þrep 

Viðfangsefni áfangans eru forgangsröðun aðgerða (stæður) og bókstafareikningur (jöfnur). Áhersla er lögð á að þjálfa upp öguð og vönduð vinnubrögð með það fyrir augum að byggja upp sjálfstraust nemenda gagnvart stærðfræði og efla rökhugsun.

Þekkingarviðmið
Nemandi skal hafa öðlast þekkingu og skilning á:

• aðgerðum á heilum tölum

• forgangsröðun aðgerða

• notkun sviga

• helstu grunnhugtökum í bókstafareikningi

Leikniviðmið
Nemandi skal hafa öðlast leikni í að:

• reikna út fyrir sviga

• reikna óþekktar stærðir

• liða einfalda þáttastærðir

• þátta einfaldar liðastærðir

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• nálgast lesefni á sjálfstæðan hátt

• geta reiknað eftir fyrirmælum

• láta skýringar fylgja með útreikningum

• vanda alla framsetningu og nota stærðfræðitákn á viðeigandi hátt

Námsmat
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.