ÍSLE1SF04 - Bókmenntir

Lýsing

Kjarnaáfangi á starfsbraut
Einingafjöldi: 4
Þrep: 1

Í áfanganum eru kynnt helstu grunnhugtök í bókmenntum. Fjallað verður um helstu bókmenntastefnur og flokka, einkenni þeirra skoðuð og helstu höfundar kynntir. Unnið verður með alla þætti íslenskunnar og fá nemendur tækifæri til að vinna með efnið á fjölbreyttan hátt. Textar eru valdir með það að markmiði að efla málskilning og orðaforða. Nemendur auki les- og hlustunarskilning sinn og æfist í að skilgreina hugtök.

Þekkingarviðmið

Nemandi skal hafa öðlast þekkingu og skilning á:

• mismunandi tegundum bókmennta
• nokkrum helstu bókmenntastefnum
• helstu hugtökum sem nýtast við umfjöllun um bókmenntir
  
  

Leikniviðmið

Nemandi skal hafa öðlast leikni í að:

• lesa bókmenntaverk frá ýmsum tímum og fjalla um inntak þeirra
• vinna skapandi verkefni í tengslum við námsefnið

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• vinna skapandi verkefni í tengslum við námsefnið
• taka þátt í málefnalegri umræðu um efnið
• þekkja helstu höfunda, hugtök og bókmenntastefnur
• gera sér grein fyrir áhrifum bókmennta á einstakinga og samfélag

Námsmat:

Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.