LÍFS1SJ04 - Jákvæð sjálfsmynd og samskiptahæfni

Lýsing

Kjarnaáfangi á starfsbraut 
Einingafjöldi: 4
Þrep: 1

Áhersla verður lögð á að efla samskiptahæfni nemenda. Stuðlað verður að því að nemendur efli tilfinningaþroska sinn, auki sjálfsþekkingu sína og byggi upp jákvæða sjálfsmynd. Nemendur fá þjálfun í að tjá hugsanir sínar, skoðanir og tilfinningar. Nemendur vinna fjölbreytt verkefni sem stuðla að uppbyggilegum samskiptum og samkennd. Lögð verður áhersla á kurteisi og gagnkvæma virðingu.

Þekkingarviðmið

Nemandi skal hafa öðlast þekkingu og skilning á:

• algengum samskiptareglum
• mikilvægi þess að koma skoðunum sínum á framfæri
• að fólk er mismunandi og getur haft ólíkar skoðanir
• að hegðun og framkoma hefur áhrif á aðra
• mikilvægi þess að vera kurteis og sýna virðingu

Leikniviðmið

Nemandi skal hafa öðlast leikni í að:

• beita algengum samskiptareglum við mismunandi félagslegar aðstæður
• tjá skoðanir sínar og tilfinningar á uppbyggilega hátt
• gera sér grein fyrir að eigin framkoma hefur áhrif á aðra
• virða og taka tillit til annarra
• nota hvatningu og hrós

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• lesa í aðstæður og beita viðeigandi samskiptareglum
• mynda sér sjálfstæðar skoðanir og tjá þær
• sýna ábyrga framkomu
• hlusta á sjónarmið annarra af víðsýni

Námsmat:
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.