NÝNE1SB01 - Nýnemafræðsla

Eingafjöldi: 1
1. þrep

Í áfanganum er lögð áhersla á að nemendur geri sér grein fyrir námskröfum starfsbrautar og aðlagist vel nýju skólaumhverfi. Farið er í skipulagningu á tíma og námi og kynntar eru árangursríkar námsaðferðir. Einnig fá nemendur fræðslu í samræmi við forvarnaráætlun skólans.

Þekkingarviðmið
Nemandi skal hafa öðlast þekkingu og skilning á:

• námskröfum starfsbrautar

• aðferðum til að skipuleggja tíma og nám

• árangursríkum námsaðferðum

• forvarnarstarfi

Leikniviðmið
Nemandi skal hafa öðlast leikni í að:

• nýta tíma sinn vel og nota námsaðferðir sem skila árangri

• setja sér markmið sem námsmaður og einstaklingur

• þekkja skólaumhverfið og helstu starfsemi skólans

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• nota skipulögð vinnubrögð í námi

• takast á við álag í námi

• efla styrkleika sína og vinna að því að þeir nýtist sem best

Námsmat
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.