STÆR1SA04 - Almennar reikniaðgerðir

Lýsing

Kjarnaáfangi á starfsbraut
4. einingar
1. þrep

Viðfangsefni áfangans eru reikniaðgerðirnar fjórar: Samlagning, frádráttur, margföldun og deiling. Áhersla er lögð á að þjálfa upp öguð og vönduð vinnubrögð með það fyrir augum að byggja upp sjálfstraust nemenda gagnvart stærðfræði og efla rökhugsun.

Þekkingarviðmið
Nemandi skal hafa öðlast þekkingu og skilning á:

• undirstöðuatriðum í reikningsaðgerðum fjórum

• heilum tölum
  
  

Leikniviðmið
Nemandi skal hafa öðlast leikni í að:

• nota algeng stærðfræðitákn

• meðhöndla heilar tölur, jákvæðar og neikvæðar, leggja saman, draga frá, margfalda og deila

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• sýna útreikninga og skrá lausnir sínar á skipulagðan hátt

• vanda alla framsetningu og gæta að réttri notkun stærðfræðitákna

• tileinka sér sjálfstæð vinnubrögð

Námsmat
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.