Einkunnir og prófsýning

Lokaeinkunnir áfanga verða birtar í Innu miðvikudaginn 20. desember. Sama dag verður prófsýning í A/N og M á milli kl. 9:00 og 10:00.

Hér má sjá hvar prófsýningin verður og eins hvetjum við nemendur til að skoða yfirlit yfir hvar umsjónarkennarar verða til viðtals að lokinni prófsýningu (kl. 10:00-10:30). 

Nemendur sem þurfa að taka endurtökupróf þurfa að skrá sig í þau sama dag, þ.e. miðvikudaginn 20. desember, með því að fylla út viðeigandi form sem verður á heimasíðu skólans.

Próftöflu endurtökuprófa verður einnig að finna á heimasíðunni á miðvikudaginn. Endurtökuprófin verða 4. og 5. janúar. Hér má sjá þær reglur sem gilda um endurtökupróf: https://www.kvenno.is/is/nam-kennsla/namsmat-og-namsframvinda/reglur-um-endurtokuprof

Við minnum einnig á þjónustu náms- og starfsráðgjafa

Ef einhverjir nemendur hyggjast ekki þiggja áframhaldandi skólavist þá þarf að hafa samband við aðstoðarskólameistara eða námstjóra sem allra fyrst. 

Kennsla hefst kl. 10:40 föstudaginn 5. janúar.

Við þökkum kærlega fyrir samfylgdina á önninni og óskum nemendum og fjölskyldum þeirra gleðilegra jóla.