Gott framtak

Góðgerðarnefnd Kvennaskólans stóð fyrir fjáröflun í febrúar 2020 þar sem seldar voru rósir og ástarbréf fyrir Valentínusardaginn. Nemendur, kennarar og aðrir starfsmenn gátu þá pantað rósir og/eða ástarbréf og síðan afhentu nefndarmeðlimir rósirnar/ástarbréfin á Valentínusardaginn. Ákveðið var að ágóðinn rynni til Píeta samtakanna sem sinna forvarnarstarfi gegn sjálfsvígum og sjálfsskaða. Upphæðin sem safnaðist var 80 þúsund krónur og var afhent Píeta samtökunum í desember s.l.

Á myndinni frá vinstri eru: Helena, Elísabet Freyja, Rut, Hlynur, Soffía og Guðný. meðlimir góðgerðarnefndar árið 2019-2020