Götulist í valáfanga

Berlínarbjörninn fékk garnbombu yfir sig. Þessa styttu þekkja flestir Kvenskælingar enda stendur hún nálægt Uppsölum. Nánar tiltekið á horni Laufásvegar, Þingholtsstrætis og Hellusunds.

Nemendur í valáfanganum  Handverk lærðu á önninni um það sem kallast "yarn bombing" eða að garnbomba sem er vaxandi götulist víða um heim. Þar skreytir fólk hversdagslega hluti með litríku handverki og skilur það svo eftir á götum borga og bæja. Þetta er gert til að lífga upp á grámann í hversdagsleikanum og vekja athygli á handverki. Nemendur fengu það verkefni að garnbomba í sínu nærumhverfi og skila inn mynd af því. Hér er hluti af verkefnunum sem þau skiluðu inn og er að finna í nágrenni skólans. Virkilega vel heppnað og skemmtilegt verkefni.